Policia e Kosovës ka njoftuar të premten pas mesnatës se qytetari që qëndroi për më shumë se 4 orë në digën e Liqenit të Livoçit, pas shumë diskutimeve është bindur dhe është tërhequr.
Këtë e ka konfirmuar zëdhënësi i Policisë në Gjilan, Ismet Hashani.
“Ju njoftojmë se personi i cili dyshohej se ka tentuar ta lëndojë vetën te penda e fshatit Livoç i Epërm, tani njësitet ndihmëse kanë arritë që ta bindin dhe personi është arritur që të tërhiqet nga muri, personi është marrë nga ndihma e shpejtë dhe tani është në përkujdesje të mjekëve. Njësitet tjera janë tërhequr nga vendi i ngjarjes” – ka thënë Hashani për Kallxo.com.