Policia e Kosovës ka dhënë detaje mbi vdekjen e një gruaje, e cila është gjetur mbrëmjen e së mërkurës në magjistralen Ferizaj – Prishtinë.
Në raportin 24-orësh të policisë, rasti është cilësuar si “vdekje e dyshuar”.
Viktima raportohet të jetë shtetase e huaj, dhe me vendim të prokurorit, trupi i pajetë është dërguar në Institutin e Mjekësisë Ligjore për obduksion.
“Autostrada “Arbër Xhaferi’’ / 21.02.2024-20:00. Patrulla policore gjatë patrullimit në rrugë-autostradë kanë hasur në një trup të pajetë të një viktime femër-shtetase e huaj. Njësitet relevante policore, prokurori dhe ekipi mjekësor kanë dalë në vendin e ngjarjes, ku është konstatuar vdekja e viktimës. Me vendim të prokurorit, trupi i pajetë është dërguar në IML për obduksion. Rasti në procedurë hetimore”, thuhet në raport.
Gjendet e vdekur një shtetase e huaj në magjistralen Ferizaj – Prishtinë