Policia e Kosovës ka njoftuar se ka arrestuar një person të dënuar për dhunim në Podujevë e cili ishte në kërkim nga Gjykata.
“Arrestohet një person i dënuar për veprën dhunim. Sot nga njësite të stacionit policor të Podujevës, është arrestuar një person i cili kërkohej me urdhëresë të Gjykatës”, thuhet në njoftimin e Policisë së Kosovës.
Më tej në njoftimin e Policës se personin me inicialet “E.A, mashkull, 21 vjeç, shtetas i Republikës së Kosovës, ka qenë aktive urdhëresa (dënim me tri vite burgim) për veprën dhunim”.
Ndërkohë policia ka njoftuar se ai është dërguar për ta vuajtur dënimin me burgim.
“Pas përfundimit të procedurave të nevojshme policore, personi është dërguar në vuajtje të dënimit”, ka njoftuar Policia e Kosovës.