Policia e Kosovës ka njoftuar se më datën 25 korrik në fshatin Jashanicë, Komuna e Leposaviçit, e kanë ndaluar një automjet “Land Rover”, me targa të Rusisë, në të cilin janë gjendur dy persona meshkuj me shtetësi franceze, të cilët kishin hyrë nga territori i Serbisë në të Kosovës, sipas policisë, në mënyrë ilegale.
“Dyshohet se të dyshuarit duke përdorur rrugët ilegale kane hyrë në Republikën e Kosovës, me ç’ rast të njëjtit kanë kryer veprën penale ‘Kalimi i paautorizuar i vendkalimeve kufitare ose i vijës kufitare’”, thuhet në njoftimin e policisë.
Në njoftim thuhet se për të gjitha veprimet e policisë është njoftuar prokurori kompetent i Prokurorisë Themelore në Mitrovicë, i cili ka autorizuar inicimin e rastit dhe me vendim të prokurorit, të dyshuarit janë dërguar në mbajtje.
