Policia e Kosovës e ka filluar asistimin për t’ua mundësuar kryetarëve të rinj të Zubin Potokut, Zvecanit dhe Leposaviqit ta ushtrojnë detyrën e tyre brenda objekteve komunale.
Pjesëtarë të Policisë i kanë rrethuar ndërtesat komunale, kurse pak çaste më vonë u grumbulluan edhe dhjetëra qytetarë serbë në afërsi të tyre.
Tensionet në veri u rishfaqën pasi kryetarët e sapozgjedhur të komunave, tentuan të hyjnë në ndërtesat e komunave.
Pas kësaj, u lëshua alarmi, i cili zakonisht bëhet për t’i mobilizuar njerëzit.