Policia e Kosovës ka bërë të ditur se zjarri i djeshëm në Mitrovicë është lokalizuar pjesërisht duke vazhduar kështu në përmasa më të vogla.
Disa zjarre kanë shpërthyer në veri dhe jug të Mitrovicës përgjatë së shtunës në malet e fshatit Zasellë, më saktësisht në Kodrën e Cërrnushës.
Për Policinë e Kosovës, rrethanat se si ka filluar zjarri në këtë pjesë të Kosovës ende janë të panjohura.
“Raportohet se në rrethana të panjohura është kapluar nga zjarri një pjesë e pyllit ku zjarri kishte rrezikuar edhe disa shtëpi në fshatin Zasell. Banorët e dy shtëpive janë larguar”, thuhet në raport.
Ndërkaq, nuk raportohet për asnjë të lënduar.
Raporti zbulon se banorët e dy shtëpive që rrezikohesh nga zjarri janë evakuuar.
Përgjatë të shtunës, Drejtori për Siguri dhe Emergjenca në Mitrovicë, Bahtir Maxhuni tha për RTV Dukagjini se nuk ka nevojë për evakuim të banorëve.
Zjarri vazhdon në fshatin Zasellë të Mitrovicës, por nuk ka nevojë për evakuim të banorëve