Të dielën e 31 korrikut, ku në Veri të Mitrovicës po protestohet kundër reciprocitetit, Policia e Kosovës ka njoftuar se ka mbyllur kufirin për qarkullim udhëtar dhe për automjete në pikëkalimet kufitare Bërnjak dhe Jarinje, për shkak të bllokimit të rrugëve në drejtim të këtyre dy pikëkalimeve.
Policia e Kosovës ka njoftuar qytetarët që të shfrytëzojnë pikat e tjera kufitare për qarkullim.
Bllokadat vijnë një ditë para se të hyjnë në fyqi dy vendimet e Qeverisë së Kosovës që kanë të bëjnë më targat dhe dokumentet serbe.
Zëdhënësi i Policisë, Baki Kelani ka konfirmuar për portalin Dukagjini se dy pikat kufitare, Jarinje dhe Bërnjak janë mbyllur.