Policia e Kosovës njofton tre raste të falsifikimit të parave

Policia e Kosovës ka njoftuar se në komunën e Prishtinës dhe në atë të Fushë Kosovës, janë raportuar tri raste të falsifikimit të parave.

Sipas raportit 24 orësh të policisë, thuhet se, të mërkurën, një puntori i bankës, ka raportuar se, i dyshuari mashkull kosovar, ka deponuar një monedhë të falsifikuar me vlerë 100 euro.

Sipas raportit, Drejtoria rajonale ka konfirumar se, rasti është nën hetime.

“Më 25.03.2022, ankuesi mashkull kosovar, punëtor i një banke, ka raportuar se i dyshuari mashkull kosovar, ka deponuar një monedhë prej 100 euro, të falsifikuar. Monedha është konfiskuar. Rasti nën hetime.  ”

Megjithatë, një rast i njëjtë ka ndodhur edhe të premten e 25 marsit me po të njëjtën vlerë të parasë.

“Ankuesja femër kosovare, puntore e një banke, ka raportuar se, ka hasur në tre monedha të deponuara, 2×100 euro dhe 1×10 euro, të falsifikuara”, thuhet në njoftimin e policisë.

Vënia në qarkullim e parave të falsifikuara, sipas profesorit të ekonomisë në Universitetin e Prishtinës, Mejdi Bektashi, paraqet rrezik për ekonominë e çdo vendi.

Bazuar në statistikat e Agjencisë së Kosovës për Forenzikë, vlera e parave të falsifikuara ishte mbi 40 mijë euro në vitin 2020.

Banka Qendrore e Kosovës kishte identifikuar 943 monedha, dhe dy mijë e 671 monedha të falsifikuara. Ndërkaq, sipas BQK-së, ky aktivitet ka rënë ndër vite.

Falsifikimi i parasë mbetet vepër penale, dhe sipas Kodit Penal të Kosovës, kushdo që i vë në qarkullim si të vërteta, dënohet me burgim deri në 10 vite burg.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika