“Deri më tani nuk ka informacione zyrtare për ndonjë plagosje të qytetarëve apo të ndonjë zyrtari policor”.

Kështu thotë njoftimi zyrtar i Policisë së Kosovës, teksa iu kanë bërë thirrje të gjitha mediave dhe qytetarëve që të “mos bien pre e informacioneve-lajme të rreme, të cilat kanë tendencë destabilizimin e situatës dhe krijimin e panikut”.

Po ashtu, PK-ja ka bërë të ditur se janë duke vazhduar bllokimet e rrugëve në disa lokacione të ndryshme në Veri të Mitrovicës, në drejtim të dy pikëkalimeve kufitare, Jarinje dhe Bërnjak, të cilat edhe janë të mbyllura për qarkullim, si pasojë e tensionimit të situatës.

Ndërkaq, drejtori i Policisë së Kosovës, Samedin Mehmeti e ka konfirmuar lajmin se ka pasur të shtëna me armë në Veri të vendit, por sipas tij, nuk ka asnjë të lënduar nga këto sulme.