Policia e New Yorkut në kërkim të dyshuarit Frank R. James për sulmin në Brooklyn

Policia e New York City-t ka bërë publik emrin e një personi të cilin po e kërkon në lidhje me sulmin e së martës në stacionin e metros në Brooklyn, ku mbetën të lënduar mbi 20 persona, dhjetë prej tyre me plagë të marra nga armë zjarri.

Frank R. James, në kërkim për sulmin në Brooklyn

Frank R. James 62 vjeçar, është duke u kërkuar nga Policia, pasi që ky i fundit ka dhënë hua një furgon U-Haul, që mund të ketë lidhje me sulmin.

”Ne jemi duke synuar të përcaktojmë nëse ai ka ndonjë lidhje me sulmin”, ka thënë kryeshefi i detektivëve të Policisë së New Yorkut, James Essig.

James nuk është cilësuar si i dyshuar në sulm, por si ”person me interes”, që nënkupton se policia ka dyshime se ai mund të ketë informacione në lidhje me sulmin.

Mediat e huaja kanë shkruar se në vendin e krimit është gjetur çelësi i furgonit të James, si dhe një kartë krediti që kishte marrë në Philadelphia.

New York Times ka raportuar se 62 vjeçari, i cili ka banuar në Wisconsin dhe Philadelphia, duket se ka postuar dhjetëra video në rrjetet sociale vitet e fundit, duke e kritikuar kryebashkiakun e New Yorkut, Eric James.

Pas sulmit, gjurmët e tij janë zhdukur.

Departamenti i Policisë së New Yorkut ka bërë thirrje se kushdo që ka informata për vendndodhjen e 62-vjeçarit të telefonojë.

Në konferencë për media, të martën pasdite, Policia ka bërë të ditur se i dyshuari fillimisht ka hedhur dy bomba tymosëse dhe më pas ka hapur zjarr në stacionin e trenit.

Sulmi ka ndodhur para orës 8:30 të mëngjesit me kohë lokale, dhe është përdorur armë Glock 9 mm.

”Ai ka shtënë së paku 33 herë, duke qëlluar dhjetë persona”, ka thënë Essig. Janë qëlluar shtatë burra dhe tri gra.

 

13 persona tjerë kanë kërkuar ndihmë mjekësore, për shkak të tymit apo nga rrëzimet në tentim për të ikur.

Nga ky sulm, autoritetet kanë lënë të hapur mundësinë për një akt terrorist, edhe pse për momentin nuk trajtohet si i tillë, pasi që nuk dihen ende motivet e autorit.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika