Policia finlandeze thotë se bullizmi ishte motiv për sulmin në shkollë

Një djalë 12-vjeçar në Finlandë qëlloi për vdekje një nxënës të klasës së gjashtë dhe plagosi dy të tjerë. Policia zbuloi se ky akt ishte rezultat i bullizmit ndaj tij në shkollë. Nga të plagosurit është një vajzë shqiptare nga Kosova, e cila po mjekohet në spital. Ministria e Diasporës së Kosovës është në kontakt me familjarët e saj për ndihmë dhe mbështetje

Oficerët e policisë finlandeze operojnë në shkollën gjithëpërfshirëse Viertola në Vantaa, Finlandë, më 2 prill 2024.

Një djalë 12-vjeçar – i cili e qëlloi me armë për vdekje një nxënës moshatar të klasës së gjashtë dhe i plagosi rëndë dy nxënëse, përfshirë një vajzë nga Kosova në një shkollë fillore në Finlandë – ishte cak i bullizmit, dhe kjo është çfarë e nxiti atë ta kryejë sulmin, tha Policia finlandeze të mërkurën.

Policia tha se ai e mori me vete revolen e një të afërmi në shkollën fillore “Viertola” në afërsi të Helsinkit dhe i qëlloi tre nxënës 12-vjeçar dhe i kërcënoi disa të tjerë.

Ai ishte transferuar në këtë shkollë në fillim të vitit 2024, thanë hetuesit.

Policia tha se njëra nga vajzat e plagosura ka nënshtetësi të dyfishtë, kosovare dhe finlandeze. Ajo tha se të dyja vajzat e plagosur rëndë janë duke u mjekuar ende në spital.

Në një komunikatë për medie të mërkurën, Policia finlandeze tha se dorasi i dyshuar, shtetas finlandez, u mor në pyetje të martën dhe “e ka pranuar kryerjen e aktit”.

Të martën, Ministria e Punëve të Jashtme dhe Diasporës e Kosovës konfirmoi se një vajzë shqiptare nga Kosova është njëra nga të plagosurit në sulmin në shkollën “Viertola” në Finlandë.

Ajo nuk dha hollësi të tjera, por tha se Ambasada e Republikës së Kosovës në Stokholm është në kontakt të vazhdueshëm me familjarët e vajzës.

Finlanda mbajti ditë zie kombëtare të mërkurën për nder të fëmijës së vrarë në këtë sulm.

“Sot zbuluam se pas kësaj tragjedie qëndron bullizmi”, ka deklaruar udhëheqësi i hetimit, detektivi Marko Sarkka, raporton REL.

Ai nuk dha hollësi të tjera, apo nëse sulmuesi kishte ndonjë nxënës të caktuar në shënjestër.

Shkalla e bullizmit në shkolla në Finlandë është rritur, me 8.6 për qind të nxënësve të moshës rreth 12-vjeçare thonë tani se kanë qenë cak të bullizmit së paku një herë në javë.

Kjo është një rritje prej mbi një për qind nga viti 2019, kur shkalla ishte 7.2 për qind, sipas një studimi të vitit 2023 nga instituti i shëndetit publik, THL.

Shkolla ku ndodhi sulmi i ka rreth 800 nxënës nga klasa e parë deri te e nënta, si dhe një staf prej 90 njerëzve, sipas autoriteteve lokale.

Finlanda është përballur me incidente të tilla edhe në të kaluarën.

Më 2007, Pekka-Eric Auvinen pati vrarë shtatë nxënës, infermieren e shkollës, drejtorin dhe veten me një pushkë dore në shkollën e mesme “Jokela”, afër Helsinkit.

Një vit më vonë, më 2008, Matti Saari, një tjetër student, pati shtënë me armë në një shkollë profesionale në veriperëndim të Finlandës. Ai i ka vrarë nëntë studentë, një anëtar të stafit të shkollës dhe pastaj veten.

Finlanda e ka ashpërsuar ligjin për armëmbajtjen më 2010. Ajo e ka ndryshuar edhe moshën e lejuar për armëmbajtje, nga 18 në 20 vjeç.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika