Policia heton incidentet në veri të Kosovës

Policia e Kosovës ka njoftuar se është duke hetuar të gjitha rastet që ndodhën të hënën në veri të Kosovës, gjatë protestës së serbëve në Zveçan, Leposaviq dhe Zubin Potok

Njesia Speciale e Policise se Kosoves

Protestat janë duke vazhduar në tri komunat e veriut të vendit – Leposaviq, Zubin Potok dhe Zveçan. Policia e Kosovës ka njoftuar se situata aktualisht vlerësohet të jetë e brishtë, por e qetë.

Nëpërmjet një komunikate për media, Policia e Kosovës ka njoftuar se në bashkëpunim me KFOR-in vazhdon të sigurojë rendin dhe sigurinë publike në kontekstin e zhvillimeve të ndodhura në protestat e fundit në veri të vendit.

Po ashtu, sipas njoftimit, njësitet policore po ndërmarrin veprime hetimore për rastet dhe zhvillimet e djeshme.

“Referuar rrethanave dhe zhvillimeve të ndodhura dje (29.05.2023), ku protestues, individë/grupe kriminale, me dhunën ekstreme të shfaqur, kanë bërë që situata në aspektin e sigurisë në veri të vendit të përshkallëzohet dhe të degradojë deri në rrezikim të jetës së njerëzve, përfshirë jetën e zyrtarëve të institucioneve të sigurisë. …Njësitet policore janë duke ndërmarrë të gjitha veprimet hetimore lidhur me rastet dhe zhvillimet e djeshme”, thuhet në njoftimin e policisë.

Ndërkohë, Policia e Kosovës u ka bërë thirrje qytetarëve për qetësi dhe të mos përfshihen në protesta të dhunshme dhe provokime të çfarëdo natyre qofshin ato.

Një ditë më herët, ushtarët e KFOR-it u përleshën me protestues serbë që refuzuan t’i binden thirrjes së misionit paqeruajtës për t’u larguar nga hapësira pranë komunës së Zveçanit.

Që nga e premtja, serbët në veri të Kosovës janë duke protestuar kundër kryetarëve të rinj të dalë nga zgjedhjet e 23 prillit.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika