Policia e Kosovës ka dhënë detaje në lidhje me vetaksidentin rrugor në Lubozhdë të Istogut, ku e humbi jetën një person.
Deri te vetaksidenti, sipas policisë, ka ardhur kur vozitësi tashmë i ndjerë e ka humbur kontrollin dhe ka dalë nga rruga.
“Ju informojmë se me datë 9 shkurt 2023, rreth orës 18:50, Policia është informuar për një vetaksident trafiku, i cili ka ndodhur në fshatin Lubozhdё-Istog. Deri te vetaksidenti ka ardhur derisa i vozitёsi ishte duke qarkulluar nё rrugën Istog-Vrellё, i njëjti duke mos iu përshtatur shpejtёsisё, humb kontrollin del nga rruga, dhe si pasojё humb jetёn, vdekjen e sё cilit, e ka konstatuar ekipi mjekësor në vendin e ngjarjes”, thuhet në njoftim.
Me urdhër të Prokurorit të shtetit, trupi i pajetë i viktimës dërgohet në Institutin e Mjekësisë Ligjore në Prishtinë, për Obduksion.