Policia e Kosovës ka kërkuar bashkëpunim me qytetarët për identifikimin dhe arrestimin e disa personave që dyshohen për kryerjen e veprës penale “Lëndim trupor”.
“Kërkesë për bashkëpunim – identifikim të personave të dyshuar, Njësiti i hetimeve të stacionit policor të Graqanicës, me autorizim nga Prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi”, thuhet në njoftim.
Personat që po kërkohen dyshohet se veprën penale “Lëndim trupor” e kanë kryer më 23 shtator 2023.
Për çdo informatë që mund të çojë në identifikimin e personave apo vendndodhjes së tyre, kontaktoni policinë në numrin e telefonit: 192.