Në Leposaviq është arrestuar një person për armëmbajtje pa leje.
Siç ka njoftuar Policia e Kosovës, gjatë kontrollit që i është bërë të dyshuarit, i janë gjetur dy armë gjuetie dhe disa fishekë pa leje.
I dyshuari ka pranuar se në shtëpinë e tij posedon edhe fishekë të tjerë.
Gjatë kontrollimit të shtëpisë, policia ka njoftuar se janë gjetur dhe konfiskuar 88 fishekë, një GPS, 4 radiolidhje, jelek gjuetie, dy palë dylbi, një hark me tri shtiza, një kamerë, dhe disa dokumente që ndërlidhen me armë të gjuetisë.
“Leposaviq / 17.12.2023 – 12:50. Është arrestuar i dyshuari mashkull kosovar pasi që, gjatë kontrollit i janë gjetur dhe konfiskuar dy armë gjuetie dhe disa fishekë pa leje valide. I njëjti ka pranuar se në shtëpinë e tij posedon edhe fishekë të tjerë dhe gjatë kontrollimit të shtëpisë së tij, janë gjetur dhe konfiskuar 88 fishekë, një GPS, 4 radiolidhje, jelek gjuetie, dy palë dylbi, një harkë me tri shtiza, një kamerë, dhe disa dokumente që ndërlidhen me armë të gjuetisë.”, thuhet në njoftimin e policisë.
Me vendim të prokurorit, pas intervistimit i dyshuari është liruar në procedurë të rregullt.