Sipas raportit 24 orësh nga Policia e Kosovës, një person është arrestuar si pasojë e posedimit të lëndëve narkotike në fshatin Kryshec të Obiliqit.
Sipas raportit, ky arrestim ka ndodhur pas disa veprimeve hetimore operative nga antidroga e Policisë së Kosovës në Prishtinë.
Pas hetimit, të njëjtit person, i janë sekuestruar 1300 gramë narkotikë, të llojit mariuhuanë dhe 12.01 gramë të tjerë të llojit kokainë.
Me urdhër të Prokurorit të Shtetit, i dyshuari është dërguar në mbajtje.
“Pas disa veprimeve hetimore operative nga antidroga e Policisë se Kosovës në Prishtinë është arrestuar i dyshuari mashkull kosovar pasi gjatë kontrollit në shtëpinë e tij janë gjetur dhe konfiskuar:1300 gr. substancë e dyshuar narkotike e llojit marihuanë, 12.01 gr. substancë e dyshuar narkotike e llojit kokainë dhe një peshore elektronike. Me urdhër të prokurorit i dyshuari dërgohet në mbajtje”, ka njoftuar Policia.
