Policia e Kosovës njoftoi se dje ka realizuar kontrollin e 36 lokacioneve të ndryshme në Prishtinë.

Në raportin 24-orësh, policia informoi se gjatë këtyre kontrolleve janë gjetur tre pistoleta, gjashtë armë të gjata dhe 598 fishekë të kalibrave të ndryshëm.

“Drejtoria për Hetimin e Krimeve Ekonomike dhe Korrupsionit, kanë kontrolluar 36 lokacione të ndryshme me dyshime për veprat penale të lartë-cekura.  Si prova materiale janë gjetur dhe sekuestruar:  tri pistoleta, 6 copë armë të gjata, 598 copë fishekë të kalibrave të ndryshëm, një telefon, 2 shtëpiza kompjuteri,  7 DVR  dhe dokumente të ndryshme,” thuhet në raport.

Për rastin janë intervistuar katër të dyshuar meshkuj kosovarë, të cilët janë liruar me vendim të prokurorit.