Një aksion në Mitrovicë të Veriut është zhvilluar nga Policia e Kosovës këtë të hënë.

Këtë për TV Dukagjini e ka konfirmuar zëvendësdrejtori i Policisë në rajonin e Mitrovicës së Veriut, Veton Elshani.

Ai ka thënë se aksioni është mbajtur nën dyshimin që disa biznese po zhvillojnë veprimtari të kundërligjshme.

Të njëjtat po kontrollohen nga Policia e Kosovës.

Ky aksion, sipas Elshanit, po zhvillohet bashkë me ATK-në dhe me autorizim të prokurorit.

“Në bazë të informacioneve të pranuara se në disa biznese në veri të vendit është duke u zhvillu veprimtari e kundërligjshme, me autorizim të prokurorit kemi ndërhy dhe të njëjtat jemi duke i kontrollu. Me ne është edhe ATK”, ka thënë Elshani.

Sipas mediumit lokal serb, aksioni është duke u zhvilluar në Bankën e Postës në Mitrovicë të Veriut.