Policia e Kosovës ka njoftuar se është duke hetuar dy raste të vdekjes, të raportuara gjatë 24 orëve të fundit në Prishtinë dhe Prizren.
Sipas raportit 24-orësh të Policisë, në të dyja rastet viktimat janë gra.
Në Prishtinë, në vendin e ngjarjes kanë dalë njësitë policore dhe ekipi mjekësor, të cilët kanë konstatuar vdekjen e një gruaje, shtetase kosovare.
“Lidhur me rastin, njësitë policore dhe ekipi mjekësor kanë dalë në vendin e ngjarjes, ku edhe është konstatuar vdekja e viktimës femër kosovare”, thuhet në raportin e Policisë.
Një rast i ngjashëm është raportuar edhe në Prizren, ku po ashtu është gjetur e vdekur një grua.
“Lidhur me rastin, në vendngjarje kanë dalë njësitë policore dhe ekipi mjekësor, ku është konstatuar vdekja e viktimës femër kosovare”, thuhet në raportin e Policisë.
Në të dyja rastet, me urdhër të prokurorit, trupat e pajetë janë dërguar në Institutin e Mjekësisë Ligjore për obduksion.