Policia e Kosovës ka njoftuar në raportin 24-orësh për dy raste të hetimit të vdekjeve në Graçanicë dhe Istog.
Sipas policisë, më 15 shkurt rreth orës 13:30, në Graçanicë, një burrë është gjetur i vdekur në shtëpinë e tij.
Në vendin e ngjarjes kanë dalë njësitë përkatëse policore si dhe ekipi mjekësor, i cili ka konstatuar vdekjen e viktimës. Me vendim të prokurorit, trupi i pajetë është dërguar në Institutin e Mjekësisë Ligjore për obduksion.
Ndërkaq, një tjetër rast është raportuar në Istog, më 15 shkurt rreth orës 08:30, ku një burrë është gjetur pa shenja jete.
Vdekjen e tij e ka konstatuar ekipi mjekësor, ndërsa në vendin e ngjarjes kanë dalë njësitë përkatëse policore. Edhe në këtë rast, me vendim të prokurorit, trupi i pajetë është dërguar në Institutin e Mjekësisë Ligjore për obduksion.