Policia parandalon një rast të ‘kontrabandës me mallra’ në Viti

Policia e Kosovës, të premten ka njoftuar se gjatë patrullimit ka ndaluar një rast të kontrabandës me mallra në Viti, ku i dyshuari me furgon ishte duke transportuar 800 kg duhan të papërpunuar, që dyshohet të jetë i kontrabanduar

Ilustrim

Policia e Kosovës, të premten ka njoftuar se njësia policore e Task Forcës, gjatë patrullimit ka ndaluar një furgon në Viti, i cili ishte duke transportuar 800 kilogramë(kg) duhan të papërpunuar, që dyshohet të jetë i kontrabanduar.

Sipas njoftimit të Policisë, Njësia policore e Task Forcës, Drejtoria Rajonale e Policisë Kufitare Lindje, gjatë patrullimit ka arritur ta vërejë dhe ta ndalojë një kombi (furgon), i cili duke shfrytëzuar rrugët malore nga fshati Tanushë-Maqedoni e Veriut, duke kaluar përmes fshatit Mjak, ishte nisur në drejtim të Vitisë.

“Kështu, sot me datë 03.06.2022, rreth orës 10:00, edhe përkundër tentativës për t’iu shmangur patrullës policore, automjeti është ndaluar në fshatin Ramjan të Vitisë.

Automjeti i ndaluar, me targa vendore dhe i drejtuar nga: S.I., (viti i lindjes 1979, mashkull kosovar) ishte duke bërë transport të mallit që dyshohet të jetë i kontrabanduar. Gjatë kontrollit të automjetit transportues është hasur në rreth 800 kg (36 paketime) duhan të papërpunuar”, thuhet në njoftim.

Rasti është duke u trajtuar nga zyrtarë policorë dhe në koordinim me prokurorin kujdestar.

Automjeti me mallin e ngarkuar do të dorëzohet në terminalin doganor te Dogana e Kosovës.

No photo description available.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika