Policia e Kosovës ka njoftuar se është duke hetuar një rast “hetim i vdekjes” në Suharekë, pasi një grua është dërguar pa shenja jete në Spitalin Rajonal të Prizrenit.
Sipas raportit policor rasti ka ndodhur të martën, ku njësitet policore dhe ekipi kanë dalë në vendin e ngjarjes.
Trupi i pajetë është dërguar në Institutin e Mjekësisë Ligjore (IML) për obduksion.
“Lidhur me rastin njësitet policore dhe ekipi mjekësor kanë dalë në vendin e ngjarjes dhe viktima femër kosovare pasi është dërguar në spitalin rajonal në Prizren është konstatuar se ka ndërruar jetë. Me vendim të prokurorit, trupi i pajetë i viktimës është dërguar në IML për obduksion”, thuhet në njoftimin e plotë.