Policia Rajonale e Ferizajt ka ndërmarrë një sërë aktivitetesh në identifikimin e kundërvajtësve të ndryshëm në komunikacion, me qëllim parandalimin e aksidenteve.
Që nga data 30 janar e këtij viti e deri më pesë shkurt, policia ka shqiptuar 1240 gjoba kundërvajtëse.
“Në kuadër të këtyre aktiviteteve policia rajonale e Ferizajt, gjatë javës që shkoi nga data 30.01-05.02.2023 ka shqiptuar 1240 gjoba kundërvajtëse, ndërsa ka hequr edhe 15 patentë shoferë për drejtuesit që kanë shkaktuar kundërvajtje më të rënda në komunikacion”, thuhet në njoftimin e policisë.
Ndërsa, prej tyre, janë raportuar 24 aksidente.
“11 aksidente me lëndime, dhe 13 aksidente me dëme materiale”, vijon njoftimi.
Policia Rajonale e Ferizajt thotë se do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon te shoferët që të bëjnë kujdes në komunikacionin rrugor.