Policia Kufitare e Kosovës ka sekuestruar në Viti rreth 500 kg duhan të përpunuar dhe papërpunuar që dyshohet të jetë i kontrabanduar nga Maqedonia e Veriut.
Ky sekuestrim vjen pasi policia Kufitare e Kosovës, konkretisht njësitet e Task Forcës dhe hetimet rajonale të Drejtorisë kufitare-Lindje, kanë realizuar një operacion kontrolli në një shtëpi dhe objektet e saj përcjellëse në fshatin Lubishtë.
“Gjatë operacionit policor dhe kontrollit në atë lokacion, janë gjetur dhe sekuestruar sasi e konsiderueshme e duhanit të përpunuar dhe të papërpunuar (në fletë) rreth 500 kg ambalazhe për paketimin e duhanit, një peshore dhe një grirëse e duhanit. Mallrat të cilat dyshohet se janë kontrabanduar rrugëve ilegale nga Republika e Maqedonisë Veriore në Republikën e Kosovës janë sekuestruar”, thuhet në njoftim.
Tutje thuhet se me urdhër të prokurorit, mallrat e sekuestruara i dorëzohen Doganës për procedura të mëtejme.