Policia e Kosovës nëpërmjet një njoftimi ka bërë të ditur se është duke vazhduar kërkimi për personin e zhdukur në komunën e Dragashit.
Në njoftim thuhet se akterët të cilët janë përfshirë në këtë kërkim janë Policia e Kosovës, zyrtarët e policisë kufitare, Policia e Shqipërisë, Forca e Sigurisë së Kosovës, OJQ-ja për kërkim shpëtim, gjithashtu edhe Policia e Maqedonisë, si dhe qytetarët nga Kosova dhe Shqipëria.
“Nga të gjithë akterët e përfshirë, siç janë Policia e Kosovës me zyrtarët e saj të rendit dhe të Policisë Kufitare, Policia e Shqipërisë, Forca e Sigurisë së Kosovës, OJQ-ja e Kosovës për kërkim shpëtim, Policia e Maqedonisë në pjesën e saj dhe qytetarë nga Kosova e Shqipëria, kanë vazhduar kërkimin e personit të zhdukur ditë më parë”, thuhet në njoftim.
Sipas tyre, gjatë këtij kërkim-shpëtimi janë duke u përdorur qentë e kërkimit, motora terreni, dronë dhe paragllajd me motor.
Policia i ka falënderuar të gjithë bashkëpunëtorët që po marrin pjesë në kërkim-shpëtim, dhe gjithashtu ka kërkuar nga qytetarët që nëse kanë ndonjë informacion rreth personit të zhdukur të njoftojnë Policinë.