Polonia planifikon dërgimin e rreth 10.000 ushtarëve në kufi me Bjellorusinë

Polonia ka njoftuar se planifikon të dërgojë rreth 10.000 ushtarë shtesë në kufirin me Bjellorusinë për të ndihmuar Gardën Kufitare. Ministri polak i Mbrojtjes, Mariusz Blaszczak, ka bërë të ditur se 4.000 ushtarë do të jenë në shërbim të Gardës Kufitare, ndërsa 6.000 të tjerë do të jenë në rezervë

Ministri polak I Mbrojtjes, Mariusz Blaszczak.

Polonia është duke planifikuar që të dërgojë rreth 10.000 ushtarë shtesë në kufi me Bjellorusinë, për ta mbështetur Gardën Kufitare, ka thënë ministri polak i Mbrojtjes, Mariusz Blaszczak.

“Rreth 10.000 ushtarë do të jenë në kufi, prej të cilëve 4.000 do ta mbështesin Gardën Kufitare dhe 6.000 do të jenë rezervë”, ka thënë ministri në një intervistë për radion publike.

“Ne do ta afrojmë ushtrinë më afër kufirit me Bjellorusinë për ta dëbuar agresorin, ashtu që të mos guxojë të na sulmojë”, ka thënë Blaszczak.

Zëvendësministri i Brendshëm, Maciej Wasik, ka thënë të mërkurën se Polonia do t’i dërgojë 2.000 trupa shtesë në kufi me Bjellorusinë, shkruan REL.

Polonia është e shqetësuar për kufirin e saj, prej kur qindra pjesëtarë të grupit mercenar rus “Wagner”, kanë arritur në Bjellorusi muajin e kaluar, me ftesë të liderit të shtetit, Alexander Lukashenko.

Bjellorusia është duke i vazhduar stërvitjet ushtarake afër kufirit këtë javë, derisa presidenti Lukashenko ka thënë disa herë se po frenon pjesëtarët e “Wagner”-it që po synojnë sulm ndaj Polonisë.

Polonia është përballur së fundi edhe më rritje të numrit të migrantëve nga Lindja e Mesme dhe Afrika.

Shefi i Gardës Kufitare të Polonisë, Tomasz Praga, ka thënë më herët gjatë javës se 19.000 persona kanë tentuar të kalojnë kufirin polako-bjellorus këtë vit, për dallim prej 16.000 personave, sa janë regjistruar vitin e kaluar.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika