Portugalia është shpallur kampione e Ligës së Kombeve për herë të dytë në histori, pasi mposhti Spanjën në një finale plot emocione.
Ndeshja përfundoi 2:2 pas kohës së rregullt dhe kohës shtesë, duke u drejtuar më pas në gjuajtjet e penalltive.
Portugezët u treguan më të saktë nga pika e bardhë, duke fituar me rezultatin 5:3.
Nuno Mendes dhe Cristiano Ronaldo ishin figurat kyçe të ndeshjes, duke e përjetuar me emocione të mëdha triumfin – madje Ronaldo edhe mes lotësh pas fitores.
Ky është trofeu i dytë i Ligës së Kombeve për Portugalinë, pas atij të fituar në vitin 2019.