Sharr Jakupi, shef i kabinetit të ministres Donika Gërvalla, ka njoftuar se në territorin e Serbisë, pos pikave kufitare në Jarinjë dhe në Merdare, është bllokuar edhe pika kufitare në Bërnjak.
Kjo sipas tij, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova.
Protestuesit kanë bllokuar gjithashtu pikën kufitare në Bernjak. https://t.co/skURiGGFdm
— Sharr Jakupi (@sharrjakupi) June 19, 2023
Ministria e Punëve të Jashtme dhe Diasporës e Kosovës, ka bërë të ditur në mbrëmjen e së hënës se është pamundësuar lëvizja e autobusëve dhe kamionëve nga Kosova për në Serbi, në pikëkalimet Jarinjë dhe Merdare.
Sipas ministrisë, as kalimi i veturave nuk është i sigurt.
Qeveria e Kosovës ka marrë vendim, më 14 qershor, për të shtrënguar kontrollet kufitare me Serbinë.
Vendimi është marrë pas arrestimit të tre pjesëtarëve të Policisë së Kosovës nga autoritetet e Serbisë.
Serbët bllokojnë rrugët që çojnë në pikat kufitare në Jarinjë dhe Merdare