Presidenti i Republikës së Shqipërisë, Bajram Begaj, do të qëndrojë sot dhe nesër në Kosovë për një vizitë dyditore.
Për këtë, Policia e Kosovës ka njoftuar se do të angazhohet për ruajtjen e rendit dhe qetësisë publike gjatë vizitës së presidentit Begaj.
Për të mundësuar qarkullim të lirë sipas itinerarit dhe zhvillimin e takimeve zyrtare, do të ketë ndërprerje të përkohshme të trafikut në disa segmente rrugore, me mundësi riorientimi të trafikut në rrugë alternative.
Policia e Kosovës kërkon mirëkuptim nga qytetarët dhe pjesëmarrësit në trafik për çdo shqetësim që mund të shkaktohet gjatë vizitës.