Presidenti i Federatës Franceze të Futbollit në shënjestër të një hetimi për ngacmim seksual

Prokuroria e Parisit ka njoftuar të martën se ka hapur një hetim për "ngacmim moral dhe seksual" kundër presidentit të Federatës Franceze të Futbollit, Noel Le Graet

Noel Le Graet

Presidenti i Federatës së Futbollit të Francës (FFF), Noel Le Graet, është nën hetime për “ngacmim seksual” dhe “ngacmim moral”, ka thënë të martën zyra e prokurorit të Parisit.

Po ashtu, zyra e prokurorit ka thënë se hetimi është hapur të hënën, pas një raporti nga Inspektorati i Përgjithshëm i Arsimit, Sportit dhe Kërkimit. Ai do të kryhet nga një njësi e posaçme e policisë dedikuar krimeve kundër individëve.

Hetimi ka filluar pasi agjentja sportive, Sonia Souid, ka akuzuar Le Graet për sjellje të pahijshme gjatë disa viteve, duke thënë se ai ishte i interesuar vetëm për të seksualisht.

Souid në një intervistë për të përditshmen sportive L’Equipe, ka thënë se Le Graet u përpoq vazhdimisht t’i afrohej asaj nga viti 2013-17.

81-vjeçari, Le Graet, ra dakord javën e kaluar të tërhiqej nga detyrat e tij si president i Federatës pas një takimi urgjent të komitetit ekzekutiv për sjelljen e tij.

Le Graet është duke u përballur me disa pretendime për ngacmime seksuale dhe federata e futbollit është objektivi i një hetimi të urdhëruar nga ministrja franceze e Sportit, Amelie Oudea-Castera.

Le Graet u rizgjodh president për një mandat katërvjeçar marsin e kaluar

Le Graet, i cili gjithashtu është kritikuar këtë muaj për një mosrespektim të perceptuar ndaj të madhit të futbollit francez, Zinedine Zidane, ka rënë dakord të largohet nga roli i tij derisa gjetjet e auditimit të jenë shqyrtuar plotësisht nga komiteti ekzekutiv, me gjasë deri në fund të janarit.

Deri atëherë, ai do të zëvendësohet në një detyrë të përkohshme nga zëvendëspresidenti i federatës, Philippe Diallo.

Oudea-Castera urdhëroi një hetim ndaj federatës në shtator, pasi organi ka thënë se do të ngrinte një padi për shpifje kundër revistës So Foot, e cila ka raportuar se Le Graet dyshohet se ngacmonte disa punonjëse femra.

Revista franceze ka publikuar një hetim prej gjashtë faqesh duke cituar ish-punonjës anonimë dhe aktualë, dhe mesazhe të papërshtatshme që Le Graet dyshohet se u dërgonte grave.

Ai është aktualisht një kandidat për një mandat tjetër katërvjeçar në Këshillin e FIFA-s, komitetin vendimmarrës të organit ndërkombëtar të futbollit, raporton Marca.

Souid, e cila ka thënë se u takua për herë të parë me Le Graet në vitin 2013, ka shtuar se ai i dërgoi asaj mesazh për ta kërkuar ose për t’i thënë se i mungonte.

Po ashtu, ajo është shprehur se ai kurrë nuk shkoi shumë larg verbalisht, por e bëri të qartë se ajo duhet të bënte seks me të për të çuar përpara idetë e saj.

I pyetur nëse Le Graet e ndihmoi atë profesionalisht në një moment, Souid ka thënë se ai e ndihmoi të gjente numrin e telefonit të trajnerit Corinne Diacre dhe se ai u përpoq ta ndihmonte me biletat e aeroplanit të klasit të biznesit për lojtarin francez, Amandine Henry.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesat për fëmijët e lindur në vitin...

Ministria e Financave, Punës dhe Transfereve ka njoftuar qytetarët se të enjten e 1 shtatorit është hapur aplikimi edhe për fëmijët e lindur nga...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Të fundit nga rubrika