Presidenti i Meksikës vazhdon mandatin e presidencës

Presidenti i Meksikës, Lopez Obrador fitoi referendumin, që përcakton vazhdimin e mandatit të tij gjashtëvjeçar.

Lopez Obrador fitoi më shumë se 90 për qind të votave të dielën, me pjesëmarrje të rreth 18 për qind të votuesve me të drejtë vote.

Udhëheqësit e opozitës i kishin dekurajuar në mënyrë aktive njerëzit nga votimi, më shumë e dënuan sondazhin si ushtrim të propagandës dhe shpërqëndrim të kushtueshëm me probleme urgjente, transmeton “Alja Zeera”.

Si kritikët, ashtu edhe mbështetësit, kishin paramenduar fitoren si përfundim, edhe pse votimi ka ngritur dyshimin se procesi zgjedhor mund të hapte derën për zgjatje të kufijve të mandatit presidencial.

Presidenti i Meksikës e quajti rezultatin historik. Ai u përpoq të shuante shqetësimet se ka në plan të përdorë rezultatin për të ndjekur një reformë kushtetuese që do ta lejonte atë të kërkojë një mandat tjetër, pasi mandati i tij aktual përfundon në vitin 2024.

Lopez Obrador në një video-mesazh ka thënë: “Unë do të vazhdoj të shërbej deri në ditën e fundit të mandatit tim. Nuk do ta kaloj këtë sepse jam demokrat dhe nuk jam pro rizgjedhjes.

Alejandro Moreno, i partisë “PRI”, postoi në Twitter se Lopez Obrador e kishte rikthyer referendumin në një “tallje” për të “kënaqur egon e vet dhe për të vazhduar mashtrimin e meksikanëve. Por, udhëheqësi i partisë “PRI”, Mario Delgado, tha se votuesit e kishin njohur “përkushtimin e Lopez Obrador ndaj nevojtarëve dhe autoriteteve të jashtëzakonshme më të cilin ai qeveris. Vetëm një demokrat i paepur, i palëkundur mund t’i nënshtrohet një procesi të tërheqjes”.

Që nga viti 2018, Lopez nuk ka përmbushur premtimet e fushatës për të rritur ekonominë dhe për të reduktuar krimin e organizuar. Por prezantimi i tij i suksesshëm i programeve, mirëqënies dhe imazhit publik, si mbrojtës i drejtë i të varfërve kundër një elite të korruptuar dhe të pasur, ka ndihmuar në popullaritetin e tij.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika