Presidenti i Sri Lankës, Gotabaya Rajapaksa, ka konfirmuar dorëheqjen e tij pasi protestuesit sulmuan rezidencat zyrtare të të dy liderëve, bën të ditur zyra e kryeministrit të Sri Lankës.
Demonstruesit vazhdojnë të pushtojnë pallatin presidencial dhe rezidencën kryeministrore dhe kanë refuzuar të largohen derisa liderët të largohen.
Të shtunën, kryetari i parlamentit ka bërë të ditur se presidenti do të jepte dorëheqjen e tij më 13 korrik.
Por, shumë protestues ishin shumë skeptikë ndaj njoftimit, transmeton BBC.
Të hënën, zyra e kryeministrit, Ranil Wickremesinghe ka thënë në një deklaratë se ishte informuar zyrtarisht nga presidenti Rajapaksa se ai do të largohej të mërkurën.
Megjithatë, nuk ka pasur asnjë fjalë të drejtpërdrejtë nga vetë presidenti Rajapaksa.
Sipas kushtetutës së Sri Lankës, dorëheqja e tij mund të pranohet vetëm zyrtarisht kur ai jep dorëheqjen me letër drejtuar kryetarit të parlamentit, gjë që ende nuk ka ndodhur.
Të shtunën, më shumë se 100 mijë protestues hynë në Shtëpinë e Presidentit, pasi depërtuan kordonët e sigurisë të vendosura nga policia.