Presidentja e Parlamentit Evropian viziton Kievin, takohet me Zelenskyn

Presidentja e Parlamentit Evropian, Roberta Metsola, të premten e një prillit ka arritur në Ukrainë, përkatësisht në Kiev. Aty është takuar me presidentin e Ukrainës, Volodymyr Zelensky.

Ajo në llogarinë e saj në Twitter, teksa ka dhënë një mesazh shprese, ka shpërndarë fotografi me presidentin ukrainas, ku ka shkruar “guxim, forcë e vendosmëri”.

Ndryshe, ajo u ishte drejtuar edhe deputetëve në parlamentin ukrainas, teksa popullin ukrainas e kishte cilësuar si hero.

“Populli ukrainas është hero, ju po luftoni për atë që ne të gjithë besojmë, lirinë, demokracinë, sundimin e ligjit. Pa këto vlera, nuk ka asgjë tjetër. Kemi nevojë për sanksione gjithnjë e më të ashpra për Rusinë”, ishte shprehur Metsola.

Ndërkaq, më 15 mars të këtij viti, tre kryeministrat evropianë kishin udhëtuar drejt Kievit.

Kryeministrat e Republikës Çeke, Polonisë dhe Sllovenisë ishin në Kiev, për të shfaqur mbështetjen “e qartë” për Ukrainën, e cila ndodhet nën pushtimin rus.

Sipas kryeministrit çek, Petr Fiala, qëllimi i vizitës ishte konfirmimi i mbështetjes së qartë i BE-së për Ukrainën, lirinë dhe pavarësinë e saj.

“Në të njëjtën kohë, ne do të paraqesim një paketë të gjerë mbështetjeje për Ukrainën dhe qytetarët e saj. Komuniteti ndërkombëtar është informuar për këtë vizitë edhe nga organizatat ndërkombëtare, përfshirë Kombet e Bashkuara”, kishte shkruar Fiala në Twitter.

Udhëtimi ishte organizuar në marrëveshje me presidentin e Këshillit Evropian, Charles Michel dhe Presidenten e Komisionit Evropian, Ursula von der Leyen. Shtuan se komuniteti ndërkombëtar do të informohet për vizitën e delegacionit, përmes organizatave ndërkombëtare, përfshirë Kombet e Bashkuara.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika