Presidentja e Kosovës, Vjosa Osmani, ka dekoruar sot Harry Bajraktarin me “Urdhrin e Lirisë”, si vlerësim për kontributin e tij mbi tri dekada për lirinë, pavarësinë dhe shtetndërtimin e vendit.
Osmani ka theksuar se Bajraktari ka qenë një nga zërat më të fuqishëm të Kosovës në SHBA, duke bashkëpunuar qysh në vitet e para me presidentin historik Ibrahim Rugova dhe duke përfaqësuar kauzën e Kosovës para institucioneve amerikane në periudha vendimtare.
Ajo tha se Bajraktari ka mbështetur pa hezitim edhe Ushtrinë Çlirimtare të Kosovës dhe ka ngritur zërin e komunitetit shqiptaro-amerikan në arenën ndërkombëtare.
Presidentja vlerësoi përkushtimin e tij për ndërtimin e urave të bashkëpunimit me Shtëpinë e Bardhë, Kongresin dhe udhëheqës të tjerë amerikanë, duke e falënderuar për kontributin e vazhdueshëm ndaj Kosovës.