Presidentja e Kosovës, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, sot do të nënshkruajnë një marrëveshje granti në vlerë prej 34.72 milionë dollarë
Siç njofton Presidenca, marrëveshja në vlerë mbi 34 milionë dollarë do të nënshkruhet në bazë të amendamentit numër 5 të marrëveshjes së grantit.
Nënshkrimi i kësaj marrëveshjeje milionëshe do të bëhet në Presidencë duke filluar nga ora 11:00.
“Amendamenti nr.05 i marrëveshjes së grantit për objektivat zhvillimore do të nënshkruhet nga presidentja Osmani në emër të Republikës së Kosovës dhe nga U.D, drejtoresha e USAID znj.Kerry Monaghan Hogler, në emër të USAID”, thuhet në njoftim.
Pas nënshkrimit të marrëveshjes, presidentja Osmani dhe ambasadori amerikan në Kosovë, Jeffrey Hovenier, pritet të deklarohen për media.