Presidentja Osmani në Mal të Zi për Samitin e Demokracisë të Evropës Juglindore

Presidentja Osmani, të hënën, do të jetë në Mal të Zi për të marrë pjesë në Samitin e Demokracisë, në të cilin do të marrin pjesë edhe Escobar e Lajçak

Presidentja e Kosovës, Vjosa Osmani, të hënën, ka udhëtuar për në Mal të Zi për të marrë pjesë në Samitin e Demokracisë të Evropës Juglindore.

Sipas njoftimit të Presidencës, ky samit do të ketë temën “Lufta në Evropë: ndikimi në Ballkan” të organizuar nga Instituti Ndërkombëtar Republikan nga ShBA-të.

Më tutje, thuhet se në këtë konferencë, e para e vendit, Osmani do të jetë ndër folësit kryesor dhe në fjalimin e saj do të flasë për zhvillimet e fundit në rajonin e Ballkanit në aspektin e sigurisë, si dhe implikimet e luftës në Ukrainë për Ballkanin Perëndimor.

Përveç Presidentes Osmani, në këtë konferencë do të marrin pjesë edhe zyrtarë ndërkombëtarë, si i dërguari i ShBA-së për Ballkanin Perëndimor, Gabriel Escobar, i dërguari i Britanisë së Madhe për Ballkanin Perëndimor, Stuart Peach, dhe ngarkuari i BE-së për dialogun Kosovë-Serbi, Miroslav Lajçak.

Ndërsa nga radhët e përfaqësuesve të rajonit, në këtë konferencë do të marrin pjesë, kryeministri i Malit të Zi, Dritan Abazoviq, ministrja për Çështje Evropiane e Malit të Zi, Jovana Maroviq dhe zv.kryeministri i Maqedonisë së Veriut, Bojan Marichikj.

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika