Presidentja e Republikës së Kosovës, Vjosa Osmani, të dielën e tre korrikut, ka udhëtuar për vizitë zyrtare në Slloveni me ftesë të presidentit të vendit, Borut Pahor.

Ndërsa të hënën, ajo është pritur me ceremoni shtetërore nga homologu slloven, Pahor, me të cilin do të diskutojë mundësitë e thellimit të bashkëpunimit dhe raporteve ndërshtetërore.

Vizita është cilësuar si një rikonfirmim i mardhënieve Kosovë-Slloveni, dhe njëherësh edhe si një mundësi e thellimit të bashkëpunimeve dhe raporteve ndërkombëtare.

Gjatë kësaj vizite, sipas njoftimit nga Zyra e Presidencës,  Presidentja Osmani do t’iu ndajë një dekoratë Forcave të Armatosura të Sllovenisë për kontributin për paqe dhe siguri, në kuadër të misionit të NATO-s në Republikën e Kosovës, ku përgjatë viteve kanë shërbyer mijëra ushtarë sllovenë.

Ndërsa në agjendën e vizitës zyrtare të Presidentes Osmani në Slloveni, përfshihet edhe takimi me mërgatën e Kosovës në Slloveni.

Po ashtu, përfshihet ligjërata e organizuar nga Qendra për Perspektivën Evropiane dhe Bled Strategic Forum si dhe pjesëmarrja në shfaqjen “Zgjimi i pranverës”, bashkëprodhim i Teatrit Kombëtar të Kosovës dhe Qendrës për Arte dhe Komunitet- Artpolis, e cila do të jepet në Teatrin e Nova Goricës.

Ceremonia e pritjes në Slloveni