Presidentja Osmani: Serbia po tenton të bëjë spastrim etnik përmes mjeteve administrative

Presidentja e Kosovës, Vjosa Osmani, ka reaguar në lidhje me pamundësimin e  rreth 6 mijë shqiptarëve që të votojnë në zgjedhjet e së dielës në Serbi.

Ajo përmes një shkrimi në rrjetin social Twitter, ka thënë se shteti serb qëllimshëm e ka bërë një veprim të tillë.

Sipas saj, përmes kësaj fushate, Serbia po tenton të bëjë spastrim etnik përmes mjeteve administrative.

“Sipas raportimeve, 6000 shqiptarëve në Serbi iu mohua e drejta e tyre themelore për të votuar për shkak të fushatës së qëllimshme pasivizuese të Serbisë për spastrim etnik përmes mjeteve administrative”, ka thënë Presidentja e Kosovës.


Tutje, Presidentja e Kosovës, ka kërkuar reagim nga komuniteti ndërkombëtar.

“Komuniteti ndërkombëtar duhet të dënojë fytyrën e vërtetë të autoritarizmit të Serbisë”, ka shtuar ajo.

Në lidhje me këtë çështje ka pasur raportime edhe më herët, për dyshimet që shteti i Serbisë, po i fshinë nga listat administrative banorët e komunitetit shqiptar në Serbi.

Për këtë arsye një numër i madh i tyre, e kanë pasur të pa mundur që të votojnë në zgjedhjet e tre prillit të Serbisë.

Dyshohet se  katër mijë e 200 qytetarë shqiptarë në komunën e Medvegjës dhe dy mijë të tjera në Bujanovc janë çregjistruar nga listat e votuesve për zgjedhjet e tre prillit.

“6 mijë shqiptarë etnikë të fshirë nga listat e votimit në Serbi”

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika