Pretendoi se ishte nga FSK-ja, por rezultoi i rremë — i dyshuari kapet me armë në veturë
Në raportin 24-orësh të Policisë së Kosovës është bërë e ditur se në fshatin Mazgit të Obiliqit është arrestuar një person i dyshuar për armëmbajtje pa leje dhe prezantim të rremë si person zyrtar. Sipas policisë, i dyshuari mashkull kosovar është ndaluar nga njësitet policore derisa po drejtonte një veturë me targa vendore. Gjatë kontrollit, […]
Në raportin 24-orësh të Policisë së Kosovës është bërë e ditur se në fshatin Mazgit të Obiliqit është arrestuar një person i dyshuar për armëmbajtje pa leje dhe prezantim të rremë si person zyrtar.
Sipas policisë, i dyshuari mashkull kosovar është ndaluar nga njësitet policore derisa po drejtonte një veturë me targa vendore.
Gjatë kontrollit, atij i është gjetur dhe konfiskuar një pistoletë me tetë fishekë.
Policia thekson se i dyshuari është prezantuar si pjesëtar i Forcës së Sigurisë së Kosovës (FSK), mirëpo pas verifikimit është konfirmuar se ai nuk është pjesë e FSK-së.
I dyshuari është intervistuar dhe, me urdhër të prokurorit, është liruar në procedurë të rregullt. Rasti po hetohet.















