Princi Harry mund ta çojë qeverinë britanike në gjykatë për masat e tij të sigurisë në Mbretërinë e Bashkuar, ka thënë një gjykatës në Londër.
Harry dhe gruaja e tij Meghan humbën të drejtë për mbrojtjen e policisë së Mbretërisë së Bashkuar të financuar nga publiku, kur u larguan si anëtarë të familjes mbretërore dhe u transferuan në Amerikën e Veriut në vitin 2020.
Princi dëshiron të paguajë personalisht për sigurinë e policisë kur të vijë në Britani dhe po sfidon refuzimin e qeverisë për ta lejuar atë.
Gjykatësi Jonathan Swift ka vendosur të premten e 22 korrikut se çështja mund të shkojë në një seancë të plotë në Gjykatën e Lartë në Londër, pasi disa arsye të ankesës së Harry-t mund të “krijojnë një çështje të diskutueshme”.
Por ende nuk është caktuar një datë për shqyrtimin e kësaj çështjeje.
Harry dhe ish-aktorja Meghan Markle, janë matuar në Kështjellën Windsor në vitin 2019. Ndërsa avokatët e Harry-t kanë thënë se princi heziton të sjellë fëmijët e çiftit, Archie 3-vjeçar dhe Lilibet 1-vjeçar, në atdheun e tij sepse nuk është i sigurt.
Harry, i njohur gjithashtu si Duka i Sussex, ka thënë se ekipi i tij privat i sigurisë në SHBA nuk ka juridiksion adekuat jashtë vendit ose akses në informacionin e inteligjencës në Mbretërinë e Bashkuar, raporton euronews.
Avokatët e tij gjithashtu kanë argumentuar se një vendim i shkurtit 2020 që ka hequr sigurinë e tij të plotë mbretërore ishte i paarsyeshëm sepse Harry nuk u lejua të bënte “përfaqësime të informuara paraprakisht”.
Ndërsa qeveria britanike ka thënë se vendimi i komitetit ishte i arsyeshëm dhe se nuk është e mundur të paguhet privatisht për mbrojtjen e policisë.