Prishtina ka fituar Kupën e Kosovës në futboll pas një fitoreje 2-0 në finale kundër Gjilanit, në stadiumin “Fadil Vokrri”.
Pas tri vjetësh, klubi bardhekaltër e ktheu një trofe në kryeqytet. Në ndeshjen finale, ekipet luajtën një lojë të baraspeshuar, por Prishtina ishte më kreative në sulm dhe i shfrytëzoi rastet e krijuara për të shënuar golat në pjesën e dytë të ndeshjes.
Genc Hamiti shënoi gol për Prishtinën në minutën e 68-të me një gjuajtje të fortë, pas asistimit të Mërgim Pefqelit.
Në minutën e 76-të, Mërgim Pefqeli vulosi fitoren e Prishtinës me një supergol nga 25 metra.
Gjilanasit u përpjekën të ndryshonin fatin e ndeshjes në minutat e mbetura, por goli i shënuar nga Mevlan Zeka në minutën e 87-të u anulua pas ndërhyrjes së VAR-it, për shkak të pozitës jashtë loje.
Në fund të ndeshjes, kryeministri Albin Kurti dhe presidenti i Federatës së Futbollit të Kosovës (FFK), Agim Ademi, ndanë medaljet për ekipet finaliste dhe trofeun për kapitenin e Prishtinës, Gledi Mici. Kjo është fitorja e tetë për Prishtinën në Kupën e Kosovës.
Në fund, medaljet për ekipet finaliste dhe trofeun për kapitenin e Prishtinës Gledi Mici i ndanë kryeministri Albin Kurti dhe presidenti i FFK-së Agim Ademi. Për Prishtinën, ky është trofeu i tetë në këtë garë.