Drejtori i Shërbimeve Publike në Komunën e Prishtinës, Ilirik Musliu, ka njoftuar se numri i autobusëve në kryeqytet do të arrijë në 161 dhe se bileta e autobusit do të rritet në 50 centë.
Ndërkaq, Ndërmarrja ‘Trafiku Urban’, ka thënë se në kryeqytet oepron me 50 autobusë dhe pritet t’i shtohen edhe 30 të tjerë.
Por, Musliu, ka shtuar se me blerjen e autobusëve të rinjë edhe bileta do të rritet nga 40 në 50 centë, njofton ekonomia online.
Ndërsa në kryeqytet do të operojnë edhe minibusët me kërkesë të disa zonave rurale të cilët kanë mungesë të transportit publik. Minibus të cilët do të përdoren edhe brenda qendrës në kryeqytet.
Ndryshe, prej 30 autobusëve të rinjë që pritet të operojnë në Prishtinë 6 deri në 8 prej tyre mendohet të jenë elektrik.