Një shofer i autobusit ka kanosur me armë një shofer të një veture private.
Këtë e ka bërë të ditur për Dukagjinin, zëdhënësja e Policisë së Kosovës për rajonin e Prishtinës, Flora Ahmeti, duke theksuar se kjo po dyshohet të këtë ndodhur për shkak të një mosmarrëveshje në trafik.
“Sot rreth 17:30, kemi pranuar informatën për një rast kanosjeje, që ka ndodhur në rrugën “Rrahim Beqiri” në Prishtinë. Bazuar në të dhënat fillestare, dyshohet se pas një mosmarrveshjeje në trafik, ngasësi i një autobusi, me armë zjarri ka kanosur palën tjetër (ngasësin e një veture)”, ka thënë Ahmeti.
Ahmeti shtoi se lidhur me këtë rast është sekuestruar një armë zjarri dhe në stacion policor janë shoqëruar palët e përfshira.
“Aktualisht janë duke u ndërmarrë verimet e nevojshme policore për të ndriçuar dhe sqaruar të gjitha rrethanat që kanë karakterizuar rastin”, ka vijuar ajo.