Pritet të publikohen statistikat e regjistrimit të popullsisë në Maqedoni të Veriut

Enti Shtetëror i Statistikave, sot (e mërkure) më 30 mars, do t’i publikojë të dhënat për vitin 2021 nga Regjistrimi i Popullsisë, Ekonomive Familjare dhe Banesave, 2021, i cili është realizuar nga data 5 deri më 30 shtator 2021.

Për këtë do të flasin drejtori i Entit Shtetëror të Statistikave, Apostol Simovski, zëvendësdrejtori, Ilmi Selami, dhe eksperti ndërkombëtar nga Sllovenia, Danilo Dolenc.

Regjistrimi i vitit 2021 është i pari në shumë parametra, i pari në dy dekada, në një i pari në një pandemi, në një metodë të kombinuar, dhe i pari që rendit diasporën.

No description available.

Ky regjistrim gjithashtu është konsideruar nga EShS si i suksesshëm pavarësisht nga të gjitha sfidat dhe rrethanat pandemike.

Drejtori i EShS-së, Apostol Simovski, në një paraqitje të së martës ka deklaruar se regjistrimi, përkundër të gjitha sfidave, është një prezantim dhe prerje e plotë, e saktë dhe precize e shoqërisë në Republikën e Maqedonisë së Veriut.

Publikimi i të dhënave do të bëhet sipas grupeve të të dhënave.

Grupi i parë i të dhënave që do të publikohet përfshin të dhëna për popullsinë totale rezidente, totalin e popullsisë jorezidente, gjininë, moshën, përkatësinë etnike, fenë, gjuhën amtare dhe gjuhën e zakonshme të familjes, numrin e banesave dhe numrin e familjeve.

No description available.Ndërsa grupe të dhënash do të publikohen për karakteristikat arsimore dhe ekonomike të popullsisë, strehimin dhe familjet.

Pas përfundimit të regjistrimit të popullsisë më 30 shtator të vitit të kaluar, EShS kishte publikuar në faqen e saj zyrtare se janë regjistruar gjithsej 1 milion e 832 mijë e 696 persona, se janë regjistruar 568 mijë e 175 amvisëri dhe 837 mijë e 255 banesa.

Ndërsa, jashtë shtetit sipas EShS, janë 204 mijë e 805 persona që janë vetëregjistruar.

Regjistrimi i vitit 2021 është kryer nën protokolle të rrepta shëndetësore dhe në kushte të pandemisë Covid-19, sipas një metodologjie të re të EUROSTAT-it, ku për herë të parë është kombinuar një model, përveç mbledhjes së të dhënave direkt nga popullata në terren, të dhëna si databaza e pararegjistrimit, ku me futjen e numrit të identitetit të qytetarit në aplikacionin e regjistrimit, tërhiqeshin automatikisht të gjitha të dhënat që ekzistojnë për atë person në bazat e të dhënave në vend.

Në vitin 2002 është mbajtur regjistrimi i fundit në Maqedoninë e Veriut. Nga ai regjistrim kishte dalë se popullsia e përgjithshme ishte 2 milion e 22 mijë e 547 persona. Gjithashtu, sipas rezultateve kishte 564 mijë e 296 familje dhe 698 mijë e 143 banesa.Sipas përkatësisë etnike thuhej se maqedonas ishin 1 milion e 297 mijë e 981 ose 64.17%, shqiptarë 509 mijë e 83 ose 25.17%, turq 77 mijë e 959 ose 3.85%, romë 53 mijë e 879 ose 2.66%, serbë 35 mijë e 939 ose 1.78 %.

No description available.

Pas Luftës së Dytë Botërore në Maqedoninë e Veriut janë bërë gjithsej nëntë regjistrime, 1948, 1953, 1961, 1971, 1981, 1991, 1994 dhe 2002 dhe ky i vitit 2021.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Abazoviq për sulmin në Cetinë: Mali i Zi nuk mban...

Kryeministri i Malit të Zi, Dritan Abazoviq, pas ngjarjes tragjike që rezultoi më vdekjen e më shumë se dhjetë personave në Cetinë, ka thënë...

Të fundit nga rubrika