Është arrestuar një shtetas serb për dhënie ryshfeti në fshatin Piranë të komunës së Prizrenit.
Në këtë fshat, Policia ka ndaluar një kamion me tabela të Serbisë për shkak të tejkalimit të shpejtësisë. Pasi është ndaluar, të dyshuarit i janë kërkuar dokumentet, ai bashkë me dokumente ka dhënë edhe një kartëmonedhë prej pesë eurove.
“I njëjti është prangosur nga policia dhe është dërguar në Stacionin Policor Prizren Veri.
Pas intervistimit, në prani të avokatit mbrojtës, me urdhër të Prokurorit Kujdestar, të njëjtit i është dhënë aktvendimi për ndalim për 48 orë”, ka njoftuar Policia e Kosovës.
Kundër të njëjtit është dërguar kallëzim penal për veprën penale “Dhënia e ryshfetit”, bazuar në nenin 422 të Kodit Penal të Republikës së Kosovës.