Zëvendësministri i infrastrukturës, Hysen Durmishi, ka përfunduar intervistimin në Prokurorinë Speciale në lidhje me nënshkrimin e kontratave për rrugën Prishtinë – Podujevë.
Durimshi, në një deklarim për media, ka thënë se ishte i ftuar në cilësinë e të dyshuarit.
“Isha i ftuar në cilësinë e të dyshuarit për rastin e projektit të ndërtimit të rrugës Prishtinë – Podujevë. Kryesisht, kjo është fazë fillestare dhe pyetjet e prokurorit ishin pyetje sqaruese të cilat unë i sqarova të gjitha pyetjet që i kishte, për ta dëshmuar se procesi ka qenë i rregullt dhe se atje po zhvillohen punimet me dinamikë që e kishim planifikuar”, ka thënë Durmishi pas intervistimit nga Prokuroria.
Durmishi ka thënë se para prokurorit të Speciales e ka sqaruar “pastërtinë” e plotë të tijën në këtë proces.
“Dhe në njëfarë mënyre e sqarova para prokurorit pastërtinë e plotë timen në gjithë atë proces”, ka shtuar Durmishi.