Kuvendi i Kosovës ka votuar pro një kredie prej 18.6 milionë eurosh, e cila synon përmirësimin dhe fuqizimin e sektorit të shëndetësisë.

Financimi do të realizohet përmes një marrëveshjeje me Asociacioni Ndërkombëtar për Zhvillim, në kuadër të Projektit “Kompas”.

Marrëveshja u votua në seancën e sotme me 103 vota pro, njofton Dukagjini.

Ministri i Financave, Hekuran Murati, bëri të ditur se kredia ka një afat shlyerjeje prej 30 vitesh.

Sipas tij, mjetet do të përdoren për rritjen e kapaciteteve në institucionet shëndetësore, si dhe për avancimin e sistemit informativ në këtë sektor.