Prokurorët kanë kërkuar dënim me 25 vjet burgim për kritikun e Kremlinit, Vladimir Kara-Murza, ka thënë avokatja e tij.
“Papritur për mua dhe Vladimirin, gjykata dëgjoi sot argumentet. Procesi po ecën mjaft shpejt dhe prokurori ka kërkuar 25 vjet burg”, u ka thënë gazetarëve avokatja Mariya Eysmont në një video të publikuar nga kanali i lajmeve SOTA Telegram.
Avokatja Maria Eismont, u ka thënë gazetarëve se kërkesa e prokurorit për dënimin 25-vjeçar erdhi në një seancë të mbyllur më 6 prill. Ajo ka shtuar se klienti i saj ka humbur 17 kilogramë gjatë qëndrimit në burg.
Ajo ka thënë çështja kundër aktivistit të opozitës ruse për disa akuza, përfshirë tradhtinë, po vazhdon me shpejtësi.
Kara-Murza, 41 vjeç, u arrestua në prill të vitit të kaluar me akuzën e përhapjes së “lajmeve të rreme” për ushtrinë ruse pasi ai kritikoi pushtimin e Ukrainës.
Lista e akuzave kundër kritikut veteran të Kremlinit u zgjerua shpejt, dhe ai tani akuzohet gjithashtu për tradhti të lartë dhe për lidhje me një organizatë “të padëshirueshme”.
Vladimir Kara-Murza, ish-aleat politik i liderit të ndjerë opozitar rus, Boris Nemstov, pasi humbi vetëdijen dhe u dërgua në spitalin e Moskës, gruaja e tij tha se ai u dërgua në spital me “simptoma të helmimit”, raporton The Moscow Times.
Sikurse në rastet paraprake, Rusia ka mohuar përfshirjen, duke përmendur mungesën e fakteve.
Kara-Murza beson se të dyja incidentet kanë qenë hakmarrje për aktivizmin e tij politik, duke përfshirë lobimin e tij për Aktin amerikan Magnitsky.
Ky ligj i vitit 2012, parasheh vendosjen e sanksioneve ndaj rusëve për të cilët beson se abuzojnë me të drejta të njeriut. Ky ligj atëherë pati zemëruar Kremlinin.
Rusia përshkallëzoi shtypjen e saj ndaj figurave të opozitës, gazetarëve të pavarur dhe aktivistëve pas pushtimit të Ukrainës në shkurt 2022.
Shumica e figurave të opozitës ruse tani janë ose në burg ose në mërgim.