Prokurori i ShBA-së, Garland konfirmon bastisjen e shtëpisë së Trump-it

Prokurori i Përgjithshëm i ShBA-së, Merrick Garland ka konfirmuar se agjentët federalë kanë kontrolluar pronën e ish-presidentit, Donald Trump në Florida. Ai ka thënë se personalisht kishte miratuar vendimin për të kontrolluar shtëpinë e Trump

Prokurori i përgjithshëm i ShBA-së, Merrick Garland

Të enjten e 11 gushtit, Prokurori i Përgjithshëm i Shteteve të Bashkuara të Amerikës(ShBA), Merrick Garland ka konfirmuar se agjentët federalë kanë kontrolluar pronën e ish-presidentit, Donald Trump në Florida për të hetuar nëse ai ka marrë dokumente presidenciale nga Shtëpia e Bardhë ndërsa po largohej nga detyra.

Garland ka thënë se personalisht kishte miratuar vendimin për të kontrolluar shtëpinë e Trump, raporton Reuters.

Ai tha se Departamenti i Drejtësisë i kishte kërkuar një gjykate të zhbllokonte një urdhër kërkimi të paraqitur si pjesë e hetimit për shkak të “interesit publik”, pasi vetë Trump njoftoi për hetimet në një deklaratë të hënën mbrëma.

Kërkimi në resortin Mar-a-Lago të Trump në Palm Beach shënoi një përshkallëzim të rëndësishëm në një nga hetimet e shumta që ai po përballet që nga koha e tij në detyrë dhe në biznesin privat.

Donald Trump, ish president i SHBA-së

Departamenti i Drejtësisë i Garland është përballur me kritika të ashpra dhe kërcënime në internet në këtë javë pas hetimeve.

Mbështetësit e Trumpit dhe disa nga kolegët e tij republikanë në Uashington, kanë akuzuar demokratët se kanë armatosur burokracinë federale.

Ndryshe, të hënën e tetë gushtit, Federal Bureau of Investigation (FBI) ka ekzekutuar një urdhër kontrolli në resortin Mar-a-Lago të Donald Trump në Palm Beach, Florida, si pjesë e një hetimi për trajtimin e dokumenteve presidenciale, duke përfshirë dokumente të klasifikuara, që mund të jenë dërguar atje.

Ish-presidenti i ShBA-së, Trump konfirmoi se agjentët e FBI-së ishin në Mar-a-Lago dhe ka thënë se “ata madje hynë në kasafortën time”.

Ai ishte në Kullën Trump në New York, kur u ekzekutua urdhri i kontrollit në Florida, tha një person i njohur për CNN.

“Shtëpia ime e bukur, Mar-A-Lago në Palm Beach, Florida, është aktualisht nën rrethim, në bastisje dhe e pushtuar nga një grup i madh agjentësh të FBI-së”, tha Trump në një deklaratë të hënën në mbrëmje.

FBI bastis pronat e Donald Trump për hetim të disa dokumenteve

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika