Prokuroria dhe mbrojtja e Salih Mustafës dorëzojnë dosjet përfundimtare të tyre

Dhomat e Specializuara të Kosovës kanë njoftuar se dorëzimi i dosjeve gjyqësore përfundimtare është bërë më 21 dhe 22 korrik të këtij viti

Salih Mustafa

Dosjet përfundimtare të Zyrës së Prokurorit të Specializuar dhe mbrojtjes së Salih Mustafës janë dorëzuar tek trupi gjykues, kanë bërë të ditur përmes faqes zyrtare të tyre, Dhomat e Specializuara të Kosovës.

Ato kanë njoftuar se dorëzimi i dosjeve gjyqësore përfundimtare është bërë më 21 dhe 22 korrik të këtij viti.

Ndërkaq, fjalët përfundimtare të palëve do të paraqiten në shtator të këtij viti në gjykimin ndaj ish-pjesëtarit të Ushtrisë Çlirimtare të Kosovës.

13 dëshmitarë të Zyrës së Prokurorit të Specializuar janë dëgjuar.

Nga ana tjetër, mbrojtja e Salih Mustafës ka paraqitur 15 dëshmitarë.

Ky i fundit ishte deklaruar i pafajshëm para trupit gjykues.

Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”.

Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.

Duhet përmendur se Salih Mustafa po qëndron në paraburgim në Hagë prej 24 shtatorit të vitit 2020, që nga koha kur është arrestuar.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika